|
秋风起又系食大闸蟹嘅时间，应届港姐冠军宋宛颖刚当选不久，已经成功混入历届港姐堆中，佢更应前港姐刘倩婷邀请出席大闸蟹宴。见宋宛颖以背心同牛仔裤上阵，爆发青春活力，完全冇咗比赛压力嘅佢，状态大勇，比参选时更靓！而2009年港姐冠军刘倩婷以红色连身裙现身，一身端庄高贵打扮，而席上仲有2006年港姐冠军陈茵媺，佢着短裙仔，又扎起头发，充满少女味！今次三届港姐冠军合体，认真难得，网友纷纷留言畀Like，大赞佢哋个个都咁靓女！ 网晒蟹宴照嘅宋宛颖，留言感谢师姐刘倩婷外，话自己虽然唔系蟹迷，但对大闸蟹情有独锺外，又话非常享受今次蟹宴，唯一美中不足，系被蚊咬咗几啖！而陈茵媺留言大赞宋宛颖系甜姐儿，由于大家都喺加拿大多伦多生活过，所以一讲开多伦多，特别多话题。曾经讲过细个睇选美时，对陈茵媺印象最深刻嘅宋宛颖，回覆对方留言时有赞冇弹，赞对方一样甜美，仲好鬼阳光，成日笑容满面。 ​
| 
窥视卡
雷达卡
发表于 2021-10-19 10:35:12
提升卡
置顶卡
沉默卡
喧嚣卡
变色卡
千斤顶
照妖镜