神还原母女相处场面 岑丽香画油画晒才华

etin

艺人岑丽香（香香）唔单止样子甜美，更系圈中数一数二嘅“学霸女神”，毕业于加拿大昆特仑理工大学嘅佢，同时拥有三个学士学位，当中包括时装设计学系，故充满艺术才华，绝对系美貌与智慧并重。

同时兼顾工作与家庭嘅佢，昨日就抽空画油画，以放松心境及陶冶性情。佢喺社交网拍片大晒作画过程，原来佢特意拣选一幅儿时与妈妈相处嘅照片作为素材，重新画成油画，虽然佢谦称要靠朋友帮手起稿，自己只系“填色”，但见其笔触同用色都经过精心设计，神还原昔日温馨画面，甚有大师功架。