“木头人”炎明熹气场劲！胡鸿钧见到惊惊唔敢郁

etin

歌手胡鸿钧（Hubert）和《声梦传奇》“人气王”炎明熹（Gigi）昨日（7日）现身电台受访，讲起韩剧《鱿鱼游戏》热爆全球，其中Gigi更与当中的“木头人”撞样，Hubert笑言：“都觉得有啲似，依家Gigi一望住我，我都唔敢郁。”Gigi即笑说：“好烦。（同学有冇咁样同你玩？）又唔会特登咁玩，但有时当我望住同学时，佢哋就自动自觉唔郁，都系小息先会咁。”讲到如果拍港版《鱿》，问到可想参与？她说：“都想，如果公司有机会开拍嘅话，都想磨练吓自己演技。”

讲到Gigi现正拍青春歌舞剧《青春本我》，问到Hubert可有甚么演戏贴士给后辈？他说：“都唔算得系贴士，叫佢哋尽情享受，依家咁年轻，有唔明就不耻下问，吸收经验。（唱歌方面呢？）唔使啦，佢已经过咗听贴士嘅阶段，依家系自己摸索同领会。（慨叹当年出道冇依家嘅歌手有咁多机会？）都冇办法，依家资讯发达，佢哋嘅学识，同埋见识嘅嘢多，我都想多啲同佢哋合作交流。”

对于一直传不和反面的“同性好友”许廷铿，近日被网民大爆“背女友偷情”及“搞大个肚唔认数”，Hubert说：“我睇报道先知，当事人回应咗就OK。（有冇试过畀人咁样恶搞过？）我未试过畀人盗用帐户，我啲粉丝好锡我，佢哋会写信畀我，我都唔舍得扔。”Gigi亦谓粉丝对她很好：“有次出骚，落车时见到粉丝等我，佢哋手拖手围住我，觉得好有爱。”