杨卓娜老笠杨茜尧买楼 持货多年升值500万！

etin

无綫节目《我要做业主2》最新一集请嚟杨卓娜做嘉宾，佢分享同妹妹杨茜尧点样储钱买楼！2002年时，佢同妹妹杨茜尧以200万入市，买入将军澳一个700呎单位，佢哋每个月会拎三分之二嘅收入嚟供楼，非常辛苦！佢话：“同妈妈借咗少少钱，嗰时畀5%首期就OK，200几万700几呎。”问到佢当时杨茜尧系咩反应？佢话：“佢大嗌唔好呀，话好多衫要买同埋应酬！”

最后，杨卓娜同妈咪一齐“老笠”阿妹：“其实我都帮佢计过，10年之后就会好开心，佢都有听。最后，我哋就老笠佢，呢头睇完转头就买咗，佢就话你哋去买棵菜呀？”非常搞笑！

杨卓娜仲自爆入行初期，月薪只系得6,000蚊，好多嘢都要悭住使：“大家要有个共识，一齐去度过艰难嘅时期，入咗行十几年，我冇去过一次旅行。”当初嘅辛苦，成就咗依家嘅收获！依家个单位市值700几万，升值咗差唔多500几万，因为杨茜尧唔想卖咗个单位，所以依家个单位放租畀人住！