唔敢用真样见人？吴彦祖自嘲唔想过生日：我老了

etin

型男吴彦祖近年嘅“颜值过山车”真系睇到大家目瞪口呆，每次见人都唔知佢系回春靓样定系走晒样，唔知系咪畀大家笑得多，前日（30日）生日嘅佢就唔晒“真身”，净系甫出多张童年照，好低调咁庆祝自己47岁生日。见佢细个嘅相张张都整古做怪，好在佢同父母合照时就识得Chok番个正常样，最难得系原来佢细个系一啲“鬼鬼哋”嘅感觉都冇，但就同依家嘅型男样差别不大！

吴彦祖仲发文自嘲好老，所以佢都唔想过呢个生日，又祝大家都可以搵到个人讲“我爱你”：“好吧，我试图在没有通知的情况下让这个生日过去，因为你知道......我现在老了。好在我真的感觉不到47（岁）。谢谢你的祝福！你们所有人的生日愿望很简单：今天告诉某人我爱你。去做吧，这个世界上我们需要更多的爱。”