罗天宇爆王敏奕死穴：系佢演艺道路上最大嘅难题

etin

艺人王敏奕于新剧《把关者们》中饰演专业的海关Madam，平时对下属及自己都相当严格，估唔到戏外的敏奕，做事都一丝不苟，虽然贵为无綫副总经理曾志伟的新抱，但拍起戏来，她都相当卖力，打戏都亲身上阵，少啲气力都唔得。日前，无綫发放了一条她拍摄被犯人捉了之后又打又浸水的片段，只见敏奕事前与武指试位，成块大木板打过去都照挡，面不改容，而敏奕打时都相当有劲，唔知仲以为系“替身”上阵，之后佢又被犯人浸落水桶，认真搵命博。

而于剧中饰演她下属的罗天宇就放了一条搞笑片上社交网，他更留言：“作为专业嘅演员喺埋位前做好准备工作，不过我可以好肯定咁话畀大家知，喺演艺道路上敏奕最大嘅难题一定系‘焗蟹’”

片中，二人正拍摄一场车内戏份，敏奕说对白时，不时忍唔到笑，NG多次，究竟有咩对白难到Madam？天宇接受访问时就大爆谓：“场戏喺Highway拍，讲我哋追踪紧啲犯人，但架车就揸咗入隧道，所以我哋拍唔到，对白上有啲改动，于是就攞住部电话拍住练吓对白先，我哋尝试改啲对白去配合，不过敏奕嘅笑点真系奇低，最好笑就系佢嘅笑点，我同佢合作咗3套剧，佢一挞着咗个掣就熄唔番，佢个角色本来要好严肃，但就要不停忍笑，呢个系佢最大嘅考验。”