余香凝陪囡囡打针变跟住一齐喊：妈妈好废

etin

艺人余香凝（Jennifer）的囡囡Clare刚刚4个月大，Jennifer同老公锡到个女燶，当正囡囡系公主，她在社交网上载护士上门帮囡囡打针的短片，她写道：“要喊就一齐喊啦。”片段中见到她抱住囡囡在大髀，当姑娘准备要打针时，她已经眼红红，当2支针一打落去囡囡嘅髀仔，囡囡即刻喊，Jennifer都跟住喊。而片中Clare额头中间有粒红点，她笑言女儿变咗“薛家燕”，因为佢搲损咗自己额头仔。

做妈妈嘅见到女儿要承受打针嘅痛楚，当然心痛死啦，正所谓“打在BB身，痛在妈咪心”，网民都戥她肉痛，甚至有人觉得她比BB仲惊，她也有留言自嘲：“系呀，妈妈好废。”其实今次已经是女儿打第二针，她说：“以为会好啲，点知都系喊咗，BB叻过我，睇嚟真系要经历多几次先惯。”有朋友问点解一齐打2针，她解释：“因为要打埋脑炎针，total 3针，护士咁打系想BB痛少一次，BB好叻叻。”