陈自瑶分享减肥养生早餐 切忌食呢样嘢！

etin

艺人陈自瑶（YoYo）系圈中出名嘅“冻龄女神”，虽然已经40岁，但系依然Keep住童颜，近年佢积极经营个人网上频道，不时同网友分享自己嘅养生秘诀，佢认为养成良好嘅习惯，对于保持身体健康非常重要，而佢最近仲同网友公开佢嘅减肥养生早餐。

佢话自己都有段时间懒得食早餐，令到身体变差，精神同工作状态都唔好，其实早餐对于Keep Fit系好重要，只要拣啱食啲乜嘢，就有助于唤醒身体机制，可以加速新陈代谢，有助燃烧脂肪，所以唔食早餐不但唔会瘦，仲会更加容易肥添！而佢会把握自己最佳嘅进食早餐时间，就系每日早上7时至9时身体最易消化及吸收嘅时候进食。

要多食室温水果

佢话自己嘅早餐会注重养生滋补，佢每日起身第一件事系饮一壶暖水，帮助消化及排便，排走身体毒素，仲会每日饮人参茶，可以搭配唔同嘅生果，好似香蕉、蓝莓等一齐食，但佢提醒大家要多食喺正常室温嘅水果，特别喺朝早起身之后，唔好食喺雪柜拎出嚟嘅水果，同埋记得避免食煎炸油腻食物。佢仲教大家整一个健康又简单快捷嘅冲饮早餐，以四神粉加亚麻籽及石斛冲嚟饮，有营养兼有收身功效。

​