3张相见证成长！麦明诗8岁头发劲蓬松 网民跪求复刻

etin

前港姐冠军麦明诗近年转战做OL，不过佢冇因为减少幕前演出而放弃Keep Fit，身形愈来愈靓。时光飞逝，佢为纪录自己多年来嘅变化，网晒分别系1999年、2007年同2021年嘅家人合照，又分享小时候同屋企人邮轮旅行经历，佢留言︰“记得细细个爸妈带我哋上邮轮，最锺意跑上跑落去唔同嘅deck，餐餐自助餐，爸妈带住我哋去泳池去睇show，瞓觉仲可以将上层床反落黎爬上去瞓，觉得好好玩。”到长大后，就可以玩得豪啲，佢又话：“upgrade到露台海景房，去啲sit down restaurant食好嘢，仲鼓励爸妈落club同攀石。”最后佢话︰“回顾过去20年，真系一个好有趣嘅历程，好感恩嘅系我哋一家人到今日都齐齐整整，开开心心。”

三张合照都见证麦明诗嘅成长，网民就将重点放喺最久远嘅1999年合照中，话当时8岁嘅佢脸圆圆，而且一头短发非常蓬松︰“你细嗰阵张头发好搞笑”、“你个99年发型系时候复刻啦！”