帮苟芸慧否认婚变 伍咏薇：有我喺度，佢边会有事！

etin

艺人伍咏薇（伍姑娘）与周祉君为动画《爱登士家庭2》配音，虽然两年前已为首集献过声，但他们不约而同表示再次声演相同角色，并未感轻松，乃该故事忠实粉丝的伍姑娘，不讳言当初获邀声演女主人角色已感到兴奋，她说：“记得佢哋叫我录把声，睇吓美国公司收唔收货，因为英文版系影后查理丝花朗配音，心谂就算最终唔过关，都叫做有人搵过，好在又ok喎！”

更指今次故事以Staycation为主，故与上一集完全不同，如同演绎一个新角色，她说：“我觉得效果几似英文版把声，好多人话广东话版有英文版味道，我对自己又有要求，所以配音时都试多咗唔同声线。（配耐咗？）都系半日，第一次先紧张啲，因为要摸索，好在本身系演员有优势，其实配音好好玩，下次想试吓配卡通声，可以天马行空嘛！或者小朋友、宠物都得，凡系得意声都想配，希望借住呢套动画，当查理丝花朗第时有电影喺香港上，我可以配埋佢把声。”而声演肥斯特叔叔的周祉君，则笑指今集再配音，如同与老朋友相聚：“因为今次故事有另一条支线，变咗可以多咗个演绎方式，投入度多咗，我尽量拉近同英文版距离，用另一音频去配。”

谈到Staycation，伍姑娘表示刚与苟芸慧、简慕华等几位剧集《金枝欲孽贰》的演员到酒店度假，更齐齐唔瞓，倾心事倾天光，之后一起睇日出，她说：“我哋友情由2012年开始，好难得由同事变朋友，本身朋友唔多，食饭来去嗰啲，有啲要家庭日，呢班就自由啲。（陪传婚变嘅苟姑娘散心？）做咩要？阴我，佢咩事？（传离婚！）梗系唔系，黐线，有伍姑娘喺度，苟姑娘点会有事，根本就冇事。（咁有咩倾？）倾吓大家近况，寸简慕华呢排好红，好hit咩佢？咁朋友都会妒忌，抢埋我啲广告，我大过佢就要让我啰！佢都系快啲返加拿大啦！”