为家庭半退出？岑丽香眼浅唔敢送大仔返学

etin

艺人岑丽香昨午（9日）现身美容店开幕仪式，她表示自己近日有新成就解锁：“啱啱喺屋企学识咗剪片，因为疫情屋企人少咗见面，所以就谂住学剪片，将平时拍低小朋友嘅生活片段剪辑好，然后送畀屋企人。（有啲咩得意搞笑片段？）都有好多呀，例如有次自制咗杯沙冰畀大仔饮，点知佢攞嚟搽面，哈哈！可能佢平时睇到我哋做有样学样，佢锺意学爸爸打篮球，学我搽护肤品。”

她指大仔刚开始返学，坦言为免自己眼浅唔舍得，故由爸爸负责送返学：“爹哋比较狼心，我负责接放学，我依家要开始畀心机向其他妈咪攞多啲知识，睇吓点样培养到阿仔成为一个乖同有爱心嘅人。（你会唔会系怪兽家长？）暂时未系！小朋友每日都喺度改变，所以我都要不断调节去配合，不过最紧要都系搵到个模式，令佢可以健康快乐，发挥到自己。（佢有冇妒忌细佬？）都有少少，所以我成日同佢讲细佬系你嘅forever friend、永远嘅好朋友。”她指因经常抱小朋友难免会手痛，但亦算是福气一种，好感恩，暂时会放多点时间于家庭。