Sweet爆！何雁诗郑俊弘为咗“孖生姊妹”再签字结婚

etin

歌手何雁诗去年与郑俊弘拉埋天窗，人前人后恩爱非常，最近更做“跟得老婆”陪老公到美国登台，顺道享受蜜月之旅，认真高兴。两个就算结咗婚，依然似足一对热恋中嘅情侣，昨日竟然喺拉斯维加斯签字再结婚，仲喺“Little Las Vegas Chapel”灯牌前咀嘴留影，重要嘅事情要做两次，真系闪到盲呀！

何雁诗嘅高尔夫球港队好友陈芷澄亦有同行，而今次系专程为好姊妹再结多次婚，感动又浪漫。原来两女已经超过1年冇见面，何雁诗更为对方预祝28岁生日：“Hi 香港奥运运动员，1年多后终于可以跟这小可爱见面！预祝我的宝贝生日快乐。”仲话再次被人以为两个系孖生姊妹，唔通好朋友都有姊妹相？