入行11年！郑欣宜恨拎女歌手奖：摸吓都好

etin

歌手郑欣宜（Joyce）及师弟ANSONBEAN、乐队太极、菊梓乔、施匡翘等，现身会展为新城电台台庆音乐会表演。其中Joyce骚后受访指起码有成大半年冇踩上会展舞台，对上一次应该是颁奖礼场合，不过自嘲当时冇攞奖，多年都跟奖项无缘，但讲到她今年推出的《@princejoyce》及《先哭为敬》成绩都好好，均获5台冠军歌殊荣，她难掩兴奋得戚笑谓：“系有少少威！好开心公司畀好多机会我出歌，终于唔使再做‘年度歌手’、唔使每年只系出一首歌啦！（点庆祝？）未喎！会继续加油、努力，好开心大家锺意听我唱歌。”

Joyce又直言希望在年尾颁奖礼可获得奖项认同，适逢今年入行第11年，见有好成绩之下特别想“掂”女歌手奖：“摸吓都好呀！其实我有摸过，但系其他人，要啲Luck都好呀！”至于问到几时再开骚？她坦言随时上得台：“好想开！有机会就想开！大、细场我都想开，总之就大小通吃，Hungry！”

另外，有指她明年满35岁便可继承妈咪6,000万遗产，她无奈笑说：“觉得呢个好搞笑，由我廿几岁讲到30岁又讲吓，今年又攞番出嚟讲，其实冇所谓，都唔影响我嘅工作，我都系Keep住做好音乐、自己嘅嘢、拍好我嘅片、做好艺人呢个角色就得。”