潜水半年被“出卖”行踪！黄心颖暴瘦现身 参加法会笑晒口

etin

前港姐亚军黄心颖2019年被爆与许志安偷食后曾远走美国避世，返港后寻求复出机会，可惜事与愿违，一直无所为，要花积蓄度日，早前就急放楼盘套现，而社交网就自从喺1月上载生日照后就神隐绝迹，不过最近被“出卖”行踪，ViuTV节目《晚吹 - 总有一瓣喺左近》主持詹朗林（JJ）前日（22日）就上载咗同黄心颖合照！

佢哋都着上白色衣服参加慈山寺法会，潜水多时嘅黄心颖素颜现身，消瘦不少，昔日嘅Baby Fat、包包面已经冇咗，不过就面露灿烂笑容，似乎相当开心。而同场仲有曾系ViuTV一姐嘅家姐黄心美，不禁令人联想唔通黄心颖想搭路过档？

有网友就笑问詹朗林：“你入去追星！”佢就话：“每一位参与法会嘅人士都系有缘人， 而佢哋本身全部都系我好朋友😊”而黄心颖去年11月就曾上载到慈山寺嘅相，睇嚟非常诚心！心颖受访时表示自己没有刻意减肥，可能因为有时吃素，故才清减了。