揭开真面目！孙慧雪使出“闹人”真功夫

etin

艺人孙慧雪日前为处女电影取景，同场还有“家姐”白云及“爸爸”黄文标，拍摄离别兼嗌交戏份，雪雪笑言第二日开工就有“激烈”场口，要丧闹黄文标极为不孝：“因为剧情讲到爸爸有脑退化，家姐一家三口又移民走咗，得番我照顾爸爸，同时又要返工，压力好大，好多问题产生，所以觉得爸爸唔听话就闹佢。”

谁知形象斯文大方的雪雪自爆闹人有一“口”，拍起嗌交戏上来抵死笑说得心应手：“唔会唔识闹人，我闹我老公都好恶㗎！哈哈！可能大家少睇我呢面，我睇剧本嗰阵都谂系咪要拎我真实嘅一面出嚟。（要动武？）唔使，又未去到，系唔好意思冲口而出讲难听说话。”

背后故事藏“洋葱”

首次饰演脑退化病患的黄文标，背后故事藏“洋葱”，一切灵感来自于妈妈：“最初都好惊拿捏唔到，同导演倾过知道个角色脑退化症系初期，妈咪临走前都有脑退化，成日将我同家姐个名捞乱，所以喺演嘅时候，将妈咪病况演出嚟。”又谓电影中有多场感人戏份，尤其是跟女儿之间的争执。

雪雪亦有同感，坦言睇剧本时成日睇到鼻酸，顺住角色情感去演就好自然入戏，不过可能晚晚刨剧本刨得太入迷，搞到生暗疮，令她非常懊恼：“可能知我要演学生，就将我变得‘青春’啲，哈哈！会食清啲，上镜个状态就会好啲。（老公见你校服Look有冇赞靓？）佢冇感觉，哈哈！其实佢知我好紧张，唔敢出声、打电话骚扰我，平时静静喺屋企等我返，或者车我返工、放工，有时囝囝都会同车陪我。”并指为瞓身拍摄电影，狠心将成个月其他工作推掉，问到是否损失惨重？她大方说不紧要：“想个精神摆晒喺电影度，呢个月都系密集式拍摄，囝囝就放假先陪佢，佢好乖冇诈型。”