赞成逃学去旅行 黎诺懿唔逼仔仔做功课

etin

艺人黎诺懿昨日出席活动宣扬人道精神，鼓励家长与小朋友一同参与，他认为父母是小朋友的一面镜，故身教很重要，坦言经常带儿子小春鸡逃学去学习书本及学校以外的东西：“疫情前我不断带佢去旅行，见多啲人同事，个人都会大胆啲，我系赞成可返学可唔返学，我个理论系除非你想做专业人士就要畀心机读书，否则读书都系学吓分析、逻辑同语言，我觉得创意同人与人之间嘅沟通最重要，无论将来科技几发达，创意系唔会比电脑取代。”

他称为配合自己的教学方针，所以小春鸡就读的幼稚园并不用做功课：“佢反而会主动要求我哋买啲生字练习簿畀佢做。（学校唔计出席率？）肯交学费就得。（点样评核？）睇个小朋友活跃度、沟通同合唔合群，所以我好锺意呢间学校。（求学不是求分数？）你逼佢都求唔到数分，何必要逼，想畀佢有个快乐童年，我个童年就唔快乐，畀人打大，唔想佢有阴影，佢依家做嘢好自动自觉，会问点解其他小朋友要做，自己唔使做，我话你想做咪做，爸爸从来唔会逼你，佢咪去学生字去学写字，小朋友要畀啲空间佢自由发挥。”