胡定欣开Live吸Like 孖陈山聪袁伟豪变脸

etin

视后胡定欣系TVB艺人中社交平台最多粉丝嘅一位，定欣日前喺社交平台开直播，讲讲吓仲Add埋好友陈山聪、袁伟豪入嚟，佢哋3个虽然啱啱先游完船河，但喺直播入面依然讲到冇停口，之后黄智雯都加入一齐倾！定欣话：“哗！头先我得千几人睇，依家有埋你哋有4千几人睇！”袁伟豪即谓：“吓！你啲Post下下都万几人Like㗎喎！”

之后佢哋继续讲啲无聊笑话，最好笑嘅都系陈山聪，不停喺自己面上加Effect，一时化晒眼妆、搽晒口红，一时又玩染发，后尾仲变埋圣诞老人！搞到袁伟豪猛问山聪喺边度揿到咁多effect出嚟，然后全部人都跟住系咁“变脸”，相当搞笑！

而山聪似乎开Live玩上瘾，昨晚（16日）于开工放Break时专登返屋企睇囝囝Jaco，仲开埋直播，Jaco仔相当可爱，学紧讲嘢嘅佢不停咿咿呀呀，又用手仔打招呼！跟住胡定欣同胡蓓蔚都加入，每次Jaco被定欣抱时都皱晒眉唔识笑，今次都不例外，不论定欣扮Bunny或唱Baby Shark，佢都系冇反应，但Jaco一望住老窦山聪，就好冧呢！