陈家乐银行长期两位数 靠爸爸塞钱顶住！

etin

唔系个个都系MIRROR，唔系个个都可以好快就红！靓仔如陈家乐，入行都浮沉十数载先获得肯定。近日佢喺社交网上载一张昔日照，留言表示：“十几年前得120磅嘅我，银行长期两位数，一年可能都冇两个job。前路茫茫，好在我仲有班朋友同支结他先顶得住！”相中嘅佢冇咩肉成个排骨仔咁，同依家大大只身形差好远！

家乐接受访问，佢话：“入行前我有做嘢，天真地以为储咗旧钱，起码可以顶到半年，点知原来喺娱乐圈，冇嘢做可以系几年嘅事！当时我冇问公司借钱，亦冇申请信用卡，冇先使未来钱，但每个月得几百蚊收入，真系顶唔住。”好彩陈爸爸相当贴心，当发现家乐日日宅在家，就醒目知道仔仔手紧，静静鸡将“零用钱”放喺家乐钱包，令家乐相当感动！

后来家乐拍咗一套电影，终于有万几蚊片酬。问到佢第一件事做咗咩？佢坦言：“冇乱咁使，攞咗去买部相机，跟朋友认真学摄影同后期制作，跟住就开始接啲婚宴嚟做，当时我真系自己攞住部机去人哋嘅礼婚拍摄，再返屋企剪片㗎！”英雄莫问出处，家乐亦依家嘅一切得来不易，一定会好好珍惜！