高海宁系咁玩Cosplay 自行幻想被裸男包围

etin

无綫两大女神高海宁与陈滢现身剧集《七公主》宣传，前者透露演性格粗鲁的武侠小说家，由于经常幻想小说主角，故造型相当百变，亦有数十套靓衫穿，成日要Cosplay：“啲造型都几特别，好似《美少女战士》嘅‘天王遥’，着咗好多次，都几锺意，另外又有旗袍Look，我同陆永好多对手戏，我哋系大家嘅灵感男、女神，因为成日有幻想，除咗陆永之外，都会幻想其他男人全裸对住我。”

而陈滢则全剧仅得一套衫，还有一对烂波鞋：“我嘅角色系一无所有，袋都冇，差在未瞓街，唔畀化妆同唔洗头，保持油立立嘅质感，其实开始拍嗰时都有少少担心，同埋唔习惯咁赤裸演戏，所以会有一个冇自信嘅感觉出嚟，我要预告，拍嗰阵时啱啱返嚟隔离完，所以个人会胀。（冇晒女神形象？）冇啦，预咗冇。”谈到与周嘉洛的绯闻，她笑指无话可说：“一拍亲嘢，当两个人都系单身时好易惹绯闻，条片唔系咩偷影嘅，好小事，我哋唔系拍拖。（嘉洛有冇怕咗你？）我哋几个后生冇因为新闻影响到友谊，仲有两星期拍摄，我会好好享受。”