苦了爸爸！黎诺懿做人肉过山车为囝囝赎罪

etin

艺人黎诺懿早前带囝囝“小春鸡”去花园摘龙眼，搞到囝囝被蚊咬到变“猪头”，之后更导致发烧，令老婆李洁莹嬲到罕有喺社交网发文“开火”。昨日黎诺懿就亲自“赎罪”，留喺家中全天候照顾囝囝，仲有求必应，化身“人肉过山车”陪玩，认真唔话得。见佢先播住其他人玩过山车嘅影片，然后抱实“小春鸡”，跟住画面嘅速度及角度，将囝囝左转右转模拟坐过山车，十足玩紧VR一样，相当有创意，黎诺懿留言笑指：“峰峰发烧冇得出去玩，惟有在家中玩过山车，好攰呀。”网友即大赞佢系廿四孝爸爸，好友汤洛雯亦表示：“做人父母甚艰难。”