发生咩事？陈自瑶试新造型劲爆：想去趟非洲

etin

火辣人妻陈自瑶（Yoyo）早前拍摄短片时，性感大解放用草帽遮胸扮全裸，昨日佢再次挑战自己，不过今次就唔系行性感，而系同星级造型师马天佑合作，嚟个形象大改造！其实Yoyo事前并唔知会改造成点，妆发团队趁住佢同马天佑闲聊时一直默默赶工，点知当佢回过神来，先惊觉自己头上绑了多条小辫，笑指惊变“十兄弟”发型！

原来Yoyo换上嘅系“雷鬼头”（Dreadlocks），就连Angelababy同G.E.M.都试过呢个发型，对于呢个新尝试，Yoyo坦言觉得好爆：“哇！系咪好爆？我自己都觉得好爆，发生咩事呀？我要去一去非洲。”

之后，佢再换上多套超夸张造型，其中一套佢更以粉红色荷花装上阵，相当抢眼。而佢喺马天佑指导下，成功尝试好多昔日唔敢摆嘅甫士，十足名模一样，佢又表示好开心能够突破自己：“可能大家会话呢个完全唔似我、平时靓啲，但我觉得人生咩都要试吓，平时影嗰啲相我都仲有好多机会可以影，但呢啲咁特别嘅造型唔系个个都会帮我设计，所以我都好珍惜呢辑相。”