天后闺房曝光！收留阿Sa一星期 容祖儿出手执床洗衫煲汤

etin

天后容祖儿同两位好姊妹蔡卓妍（阿Sa）及锺欣潼（阿娇）密密喺大陆工作，香港粉丝都好挂住佢哋，只能够靠社交网紧贴佢哋嘅生活日常！前日阿Sa就晒咗张同祖儿嘅新相，两人都喺床上摆晒甫士，原来祖儿收留咗阿Sa成个星期，仲亲自为佢洗衫、煲汤，阿Sa直言乐而忘返：“女子宿舍🤣感谢此女收留了我一星期，日日帮我执床，帮我洗衫，煲汤我饮，煮早餐我食，有此人作伴实在是我人生之幸，5🌟级的家，乐而忘返！”眼见间房除咗有张大床、仲有按摩椅、大梳化、落地大玻璃光线充足，墙上印有祖儿最爱嘅Miffy图案，简约得嚟又好阔落！而网民都留意到祖儿闺房床尾有块大镜，笑问：“放咁大块镜喺床尾，系咪一落床就话魔镜魔镜边个最靓🤣🤣🤣”、“招唔招合租呀，我ok㗎😂😂 ！”大赞祖儿系“绝世好女人”呀！