貌合神离︱何超莲窦骁行到离行离列爆冷战？

etin

赌王三房千金何超莲自与男友窦骁拍拖以来，感情好到不得了，成日孖公仔出巡，仲一齐玩真人骚，见亲面都如胶似漆。但日前有多口网友去超莲社交网留言，寸佢同窦骁迟早会分手，搞到超莲同网友打赌：“我就不分。”虽然佢哋打风打唔甩，但人言可畏，近日有网友就捕获到两人现身机场，大晒美腿嘅超莲同窦骁一前一后咁行，冇乜亲密动作，有啲貌合神离，有网友话感觉到两人好似面燶燶咁，仲问佢哋系咪冷战紧定耍花枪！