黎振烨传有监制搵开工 复出在望？

etin

艺人朱智贤同黎振烨上年因为太投入情侣角色，喺现实中孖住上山“食蛋糕”搞到出事，最终两人齐齐入雪柜。近期朱智贤已经慢慢复出，佢哋有份拍嘅剧集《食脑丧B》月尾播出，喺海报上见到女方嘅身影，而男方就继续被消失。不过有消息指幕后人员开始联络男方搵佢做嘢，似乎复出在望！

据知有无綫监制曾经联络黎振烨，想邀请对方亮相节目，从而逐步打开雪柜之门逃出生天，不过对方却以私人理由推咗，未知是否佢近年习惯咗做“家庭煮夫”而唔愿再面对镜头？黎振烨对此回应，仍然回避复出问题：“都系倾咗两句小朋友嘅近况，工作方面真系直问公司比较好，因为佢哋会比我更update😅”

《食》嘅监制吴冠宇接受访问时表示：“我冇联络过佢，亦冇邀请对方出席活动嘅情况发生。”