王浩信第4人格将出现 大讲马来西亚话靠死背

etin

无綫剧集《刑侦日记》的一众演员王浩信、戴祖仪（Joey）、陈炜、菊梓乔、王菲等，昨日（16日）到电视城为剧集造势。主演之一的姜皓文因现身在澳门隔离未能到场支持，但仍好有心录低打气片段，最后特别点名多谢惠英红，因对方给予他很多演戏意见。

​活动后王浩信跟戴祖仪“两兄妹”受访，前者对迟到大半个钟感抱歉，指因为现时正赶拍另一套剧，直至早上才收工，讲到下周开始延播45分钟，问到会否担心收视再下跌？他直言应该支持香港运动员：“系4年一度嘅盛事，一定要睇直播嘅，而我都相信观众会好体谅、支持我哋，或者去其他平台翻睇。”

王浩信透露剧中角色第4个人格将出现，更自爆会大讲马来西亚话，大呻好难：“拍嗰时每日秒都死背，希望马来西亚嘅观众听得明。（有冇搵老师恶补？）冇呀！监制搵当地朋友录咗段声带畀我，真系靠背，系情诗嚟嘅。”对于有内地网民话想睇第二季，他直言都好想开拍，特别想原班一齐上阵：“希望观众唔好惊咗我哋，怕太沉重，延续都会系咁多人格。”

至于讲到Joey被大赞演技大爆发，她直言收到赞赏好惊喜亦好开心：“一开始系好紧张，始终自己演出经验唔多，但要处理一个情绪起伏咁大嘅角色，好彩旁边有好多劲人傍住，令我技能爆升！”王浩信都不禁加把口大赞：“何止满意，直头系惊喜，作为新人演戏都会劲大压力，啱啱入行就同Liza姐（汪明荃）合作，手都震埋㗎！但佢冇震，仲演得好！”