破天荒！戴祖仪有望成首位无綫艺人亮相ViuTV

etin

歌手戴祖仪出席无綫慈善节目《明爱暖万心》，提到早前为节目《#后生仔倾吓偈》出海拍摄，笑指大伙儿早于两年前已构思一起出海开船P，没料要等到上星期才可实现：“嗰日好多人有小意外，好似游嘉欣𠝹损手，冯盈盈𠝹损脚趾，水上活动都系少不免（咁你有冇畀仔𠝹？）全部都系后生仔，6号（陆浩明）就唔好喇，成日觉得佢会闪婚。”

早前为《明星运动会》参加篮球及田径比赛兼主持，笑指跑步期间幻想被男仔追，令她不断丧跑：“最后我仲拎埋奖，同埋最近拍新剧《廉政狙击》晒黑咗好多，尤其系上司黄宗泽，佢稳重又幽默，一Cut机就令到成组人都好开心。（你锺意呢类型男仔？）成熟稳重绝对系我理想型。（畀佢电亲？）就算佢冇电我，我都不停被电亲，佢连拎住手提风扇都好似慢动作咁，有时都撩佢倾偈，但佢通常叫我走开。”

身为星梦嘅戴祖仪，早前与环球歌手涂毓麟（Oscar）推出跨公司合唱歌《我们再不讲再见》，有指佢哋会孖住上ViuTV音乐节目《Chill Club》宣传新歌，佢将会成为首位现身ViuTV嘅TVB艺人。环球唱片公司发言人表示，Oscar和戴祖儿嘅《我》的确有派往ViuTV，至于两位歌手会否亮相《Chill Club》，双方仍未落实。而星梦行政总裁何丽全指旗下歌手如获邀出席《Chill Club》会再商讨细节。

戴祖仪回覆时表示：“暂时未收到任何通知，可能要问番公司先知，当然如果有机会的话，我都很乐意！任何可以宣传新歌的渠道都欢迎。”