朱千雪孖姊妹庆生收埋个肚 岑杏贤佗B 7个月零走样

etin

“法律女神”前港姐朱千雪早前传出怀孕，而上月（6月）28日33岁生日嘅佢，前晚相约“2 Line党”嘅一班好姊妹包括岑杏贤、蒋家旻及张嘉儿等一同庆祝，见佢依然四肢纤瘦、面尖尖，不过就全程只影半身遮肚，未知佗B传闻是否属实！

至于现时怀孕7个多月嘅岑杏贤冇咩水肿、气色非常好，只睇上半身完全睇唔出有BB，果然得天独厚。但姊妹团成员汤洛雯就冇影，唔少网民以为闹不和佢被Foul，原来只系因为工作在身去唔到啫，但喺社交网留言话好想在场，朱千雪就叫佢加油！另外，今年3月诞下第二胎嘅前港姐刘倩婷，亦有“出关”专诚为朱千雪庆生，相当有心。

朱千雪接受访问否认佗B，佢话：“哈哈，系之前庆祝，不过依家先有时间post，唔系有咗啦，影蛋糕梗系影半身啦！”