张頴康爆陈展鹏“整过” 岑丽香竟然畀呢个男人吓窒

etin

无綫剧集《宝宝大过天》依家晚晚同大家见面，当中嘅主要角色岑丽香（香香）、陈自瑶（Yoyo）同张頴康就拍片玩认艺人童年照，三个人吵闹斗嘴，除咗张頴康赞自己似男神梁朝伟外，“口出狂言”嘅佢仲对陈展鹏嘅童年照感叹，直指对方变化好大：“哗佢整咗好多喎，冇理由咁嘅样！”而Yoyo亦表示：“真系一啲都认唔到喎，似咩？真系唔似喎，睇唔到。”

但其实令众人最惊讶嘅，竟然系有头发嘅林盛斌（阿Bob）童年照！香香得知正确答案之后，佢持续天然呆足几秒，完成唔识反应，因为相中嘅阿Bob眼大大、下巴尖尖，难怪香香都即刻“Wow”出嚟，Yoyo就笑言：“以前咁瘦嘅？我未见过阿Bob呢个样呀，哗点解会面尖尖变成咁嘅？”非常搞笑。