孙仔满月留家庆祝 薛家燕唔食饭都要抱孙

etin

艺人薛家燕昨日到荃湾，为代言厨具站台宣传，期间大派礼物，场面墟冚。她透露孙儿本月26日刚好满月，但因疫情关系只留家庆祝：“一家人喺屋企食饭，食猪脚姜、烧肉、红鸡蛋，仲有切蛋榚。我个仔啱啱度过首个父亲节，我哋成餐饭都系讲BB。”

问到她是否经常“争抱孙”，薛家燕笑答：“梗系，我个仔叫我食完饭先抱，我又惊到时个孙瞓咗觉，梗系抱完先啦。”她又透露孙仔已取名石汶栩，英文名就叫Julian Paul Shih：“中文名系亲家请教人改嘅，我问过师傅都话OK，希望佢聪明伶俐，快高长大。李居明师傅都赞孙仔面相同八字生得好，令人羡慕。”

薛家姐称目前孙仔貌似爸爸，体重已增至十馀磅，抱到手都攰！记者笑问乖孙是否已“斟茶”给她？她谓：“一早斟咗啦，依家每次帮佢换片要遮住。”

问到会否希望儿子尽快“追多个”？她表示新抱仍坐月中，加上喂哺母乳，已经很辛苦，故不想给压力，但倘若能够凑成一个“好”字当然好：“我之前仲同胡枫讲，想学佢百子千孙！（帮孙仔开设教育基金？）唔使咁急，呢啲留畀佢父母揸主意啦。”