汤怡冧晒B女瞓姿 头发浓密遗传妈咪靓样

etin

英皇小花汤怡与老公麦秋成日前趁住父亲节（20号）报喜，宣布诞下一女QQ，当时只系晒出一家三口大手捉小手嘅相片。​正式荣升为人母嘅汤怡，上载宝贝女瞓觉嘅相片，见到BB床挂上公仔吊饰，床边设有蚊帐、靠喺大窗前，望出绿油油嘅树景，环境非常舒适，令人心旷神怡，佢以英文留言“任务完成”。虽然仍然未见到B女正面，但见到头发浓密，额头、眼眉同耳仔比例匀称，侧面睇似足妈咪咁靓女！艺人苏丽珊、蔡颖恩留言祝贺，唔知几时有正样相睇呢？而麦秋成虽然未有上载“前世情人”相片，反而post《分分钟需要你》歌词冧老婆，最后加上“8thday”hashtag，指囡囡出世第8日。