分享维系夫妻情秘诀 黄智贤面对诱惑一招搞掂

etin

艺人黄智贤（Ben）在热播剧《逆天奇案》饰演O记高级督察“Nic Sir”沈韦力，与陈展鹏各自带领组员查案，首次与对方合作，他赞对方是好爸爸：“见佢碌电话睇童装同装修，嗰时我又搬屋，所以我哋一齐喺度睇装修。”剧中他与饰演大律师的蒋祖曼有感情线，之前曾与对方合作《铁探》，但没有同场：“觉得呢个女仔好有型，以为佢好寸、cool，到我同佢真正合作，相处落嚟有啲细路女，几开心。”他又表示今次没有亲密戏，笑言：“如果多啲亲密戏都好，现代感重啲，正常情侣拍拖都会有。”

爱情方面，讲到Ben与画家老婆Maggie相爱逾30年，出名是“爱妻号”的他分享维系感情的秘诀：“都系2个一齐摸索向前行，逐渐做到同步、同心。经过好多磨合走到依家，当初冇谂到咁远，但行吓又一年，条路2个咁样行出嚟，就系同步；耐咗真系有默契，会知佢有咩唔锺意、咩系锺意，唔锺意就避开啦，冇谓刺激佢，好多嘢唔使讲出嚟都知对方想要咩，就系同心。”他坦言2人一定有吵架：“依家少咗，识得聆听对方，停一停，忍吓把口，听吓佢想点先，原来佢系想咁，有时男人好蠢，所以要撞咗好多次板先明白，只要大家有咁嘅心去夹，就可以排除万难。”他又笑言吵架多数是自己做主动凼番老婆：“佢初初都系唔睬我，但试多几次就冇事，只要大家个心系爱对方，过一轮就会冇事。”

讲到有些夫妻会不时制造惊喜送给对方，他表示会为对方偷偷换花：“佢好锺意花，我会定期喺屋企换花，我唔会事前同佢讲换咩花，有时撞彩好彩佢觉得靓，好在乎佢欣唔欣赏，哪怕系煮餐饭或插盆花，佢话锺意我就好开心，二人世界就系我取悦你、你取悦我，佢开心我就开心，佢见到我开心佢都开心。”而讲到娱乐圈多诱惑，他坦言大家都知他已婚，故没有这些事，又认为自己把关很重要：“你同我倾耐少少我都唔多唔少会讲起我老婆、屋企3只狗，人哋唔会搞你，你亦唔会畀机会人哋搞你，呢个就系个闸。（所以老婆好安心？）要时间、信任，唔系得把口讲，要有个行为畀到佢放心，习惯有交带，佢就会好放心。”