余香凝宣布诞女 爆囡囡同老公十足饼印！

etin

艺人余香凝（Jennifer）去年10月被东网率先爆出奉子成婚，去到圣诞节终于承认有喜。怀孕期间，Jennifer一直更新社交网，与网友分享佗B孕记。昨日（23日）她报喜已诞下囡囡Clare，她在社交网上载小手捉大手的相片，非常温馨！

她留言：“Welcome home baby Clare。别人说小孩子不能赞，会赞坏，但容许我在这里赞一赞。要赞赞宝宝最后体重6.5磅，没有浪费妈妈狂食长胎食物而胖了好多的心血，再赞赞宝宝非常配合，两母女合作无间，在大家的努力下，剖腹产第三天就上奶了，可以喂母乳喂到饱。”她又感激老公无微不至的照顾，更爆老公挨出双眼袋！

最后，她寄语囡囡：“宝宝，以后只要你健康开心妈妈就满足了，这世界没有东西比你更重要，爱你。”

Jennifer接受访问时表示：“好开心，BB健健康康出咗世喇，之前担心BB体重，因为生之前检查得5磅半，出世时有6磅半，真系好开心，之前食咁多长胎食物，真系冇白费！BB似足爸爸，成个饼印咁，BB好靓女，一出世已经有眉毛，最担心佢似我好少眉毛，女仔有眉毛靓啲，对眼睛好大！”她又大赞女儿听话及配合。

讲到现在升呢做妈妈，心态亦有所转变，她说：“真系明白咩叫心肝宝贝，佢一喺度喊，自己就好担心，有一次跟住佢喊，唔知佢系咪有咩唔舒服！好多朋友叫我放松啲，话要担心成世㗎！开始明白妈妈点解以前咁长气，真系要好好爱锡妈妈！”

好姊妹陈诗欣受访时笑言：“我心情仲紧张过佢，喺佢入产房前一直陪住佢，同佢影咗好多相，帮佢留低倩影，等佢睇番将来知道做妈妈真系好伟大。BB最似妈妈系佢嘅一对长腿，个样就未睇清楚，暂时觉得似爸爸多啲。”而廖子妤表示：“未见过BB，因为依家疫情，等BB大过啲先去探佢哋，我送咗孭带畀佢哋！”​