重返无綫？陈智燊疫境收入减 为搵银豁出去

etin

艺人陈智燊出席钟表品牌活动，被问到已一段时间冇出席公开活动，现在心情如何，他説：“心情好紧张，旧年太太宋熙年佗细仔时，我仲少出街，大家都好保守，留喺屋企拍片啰，到细仔出咗世，加上疫情缓和咗，就拍多啲嘢喇，拍表、拍车或者餐厅都有，同埋见啲客都开始大胆啲Confirm晒啲活动，肯出嚟做嘢，个经济都算开始复苏。（今次算系疫情后第一次出席公众活动？）之前都有试过出啲商场入面嘅Vip活动，不过真系好耐冇见喇，心情好开心好兴奋呀。（报酬满意？）都OK啦，依家啲嘢只要夹啱自己锺意嘅嘢同埋品牌OK，钱其实唔系最重要嘅。”

离巢无綫后发展KOL事业的他，问到现在最想拍哪类影片？他説：“如果自己想拍嘅系车啦，上星期啱啱借咗部超跑，嚟紧条片会摆上网。我觉得个人开始放松咗，去同客倾又或者借车拍片都冇咁担心，谂番上年又担心见人同开会，借车又要担心清洁，依家放松啲！（系咪收入好番啲所以放松啲呀？）冇关系嘅，可能系冇乜收入，要豁出去啰，如果收入OK唔使担心嘅，反而可能喺屋企唔使谂太多，仲会愈来愈缩。我觉得唔止我嘅，成个经济要一齐行，出嚟拍多啲嘢，啲品牌多啲活动，拍多啲节目。”

同电视台商讨合作

他透露近期有电视台与他接洽商讨合作，但未落实前都不想讲太多，他説：“TVB、ViuTV、香港开电视都有倾，啱做又夹啱时间咪做啰，剧之前有同ViuTV倾，TVB同香港开电视就倾拍综艺节目。（会唔会一家四口上节目？）唔会喇，虽然疫情缓和，就算阿仔肯戴口罩都攰嘛。我自己都想构思拍新啲事物，喺网上睇其他片参考，近年见到好多年轻人会有好多唔同嘅题材，当然有啲只系啱佢做，我就当学习吓啰。（怕唔怕畀人话你抄呀？）会请教吓，有时有啲啱用嘅可以借助某啲题材，当然唔可以抄足啦！好开心见到依家有一班年轻人，佢哋系推动紧个娱乐圈，觉得呢件事好正！”

​