陈滢戏外Like爆欧阳震华：有佢喺度就好多笑声

etin

“宅男女神”陈滢在剧集《伙记办大事》与欧阳震华（Bobby）、万绮雯、马德钟等前辈合作，与前2位更是首次合作，她表示：“好幸运，呢套剧算系我第1次最重戏份，出现率又多，因为佢同每个人物都有关连，所以我都有啲担心，但今次可以同3位前辈合作减轻我嘅压力，好多嘢佢哋都帮轻咗我。（会教你？）可以同佢哋好舒服、和谐嘅环境下合作。”她又坦言有Bobby在场就不会有闷场：“有佢喺度就好多笑声，令成个团队好轻松拍摄，佢成日都会搞Gag，吹水吹到停唔到，有佢喺度大家就冇咁攰。（佢爆肚？）都有，佢呢样嘢真系好叻，有喜感系Talent，学唔到，佢讲一句对白都觉得好好笑。”

她又表示与对方最印象深刻的是首次拍第1场戏：“我同佢嗰场戏系佢嗰日最后一场戏，佢已经拍咗成日应该要收工，其实佢唔需要喺度，因为我系望住一个位，但佢话唔紧要，畀埋个眼神我先，我觉得佢好好，佢畀我嘅第一个印象好好，因为佢知道我角色系好憎佢，如果冇咗佢喺度就冇咁投入。”而讲到今次再与好姊妹赖慰玲合作，她大赞对方窝心：“我有次拍到好攰，同埋角色好多内心戏，所以有段时间我比较敏感，唔系好开心嘅状态，佢一睇就知我咩事，即刻叫我加油，一句已经觉得好Warm。”​