男友搞惊喜P贺30岁 陈伟琪见“细龙生”失控标泪

etin

艺人陈伟琪（Vicky）早前因负面新闻缠身，最终被无綫送入雪柜，就连《爱．回家之开心速递》中“细龙太”一角都冇得再演，虽然喺台庆“解禁”表演竖琴，不过之后都系唔见有乜新工作。今个月21日就踏入“3字头”嘅Vicky，获外籍男友为佢举行神秘生日派对，除咗亲朋好友之外，仲搵嚟《爱》剧嘅拍档汤盈盈、陈浚霆等人拍片祝贺，当Vicky见到剧中嘅“废柴老公细龙生”郑世豪喺影片出现，佢即刻变得情绪激动，当郑世豪话：“戏入面细龙生只爱细龙太，世豪只爱世豪太。”唔知系咪佢太挂住剧组同事嘅关系，情绪有啲失控即时标泪，仲要男友加以安慰。




对于男友嘅安排，Vicky事后亦有发文表示：“Thank you my man for such an amazing birthday surprise！（多谢我的男人为我准备这个美好的生日惊喜！）”明显十分满意。