男演员擅改剧本唔尊重编剧？萧正楠逐点反击

etin

对于有前无綫编剧在ViuTV节目爆料指有男演员擅自改剧本兼加戏，萧正楠与汤洛雯昨晚出席无綫综艺节目《开心大综艺》时，萧正楠对此表示：“有时对戏大家会执生，见到剧本唔顺会改少少，相信啲编剧会明白，只系执顺但唔会大改。（话有男演员觉得冇发挥，自己加戏份如跪地爆喊戏！）如果呢个情况，我一定唔会加自己戏，反而会改短，好睇个人，唔清楚当时情况，可能真系有咁嘅需要。（编剧话唔可以跟场，好多时唔知道。）呢样一直都系咁，编剧工作量好重，作为演员，如果有编剧去跟场，绝对系欢迎。（编剧觉得不受尊重？）我冇睇过有关节目，但如果单凭以上几点，就唔系唔尊重。”

他又开玩笑指对手汤洛雯最喜欢改剧本，汤洛雯即说：“我点会，我咁鹌鹑。其实演员好少大改剧本，改少少就会。”同场的冯盈盈亦自言拍剧经验尚浅，不够胆改剧本：“其实拍剧以来，冇见过有人改，有时一班人一齐对稿，有啲新谂法都系成班人同导演一齐商量，希望剧本顺啲同有多啲火花，呢样嘢都系大家一齐去做。”​