阿娇懒理胀爆负评！拍片卖萌V面返番嚟

etin

艺人锺欣潼（阿娇）早前上综艺节目《怦然心动20岁》时，被指身形发福，足足大咗几个码，引起网民热讨。之前佢话身形暴胀有原因，系因为有新电影开拍，类近多年前嘅韩国电影《丑女大翻身》，由于内容属商业秘密，所以有关嘅参与者均未能向外界透露细节。而阿娇似乎未有受外界评论影响，佢日前喺社交网上载一段短片，并留言：“#暖心告白季 #做个快乐的女孩 #动感光波！”片中用美颜滤镜，令佢回复尖面，又对着镜头大摆“港女十式”甫士，全程甜笑，心情大靓！唔少网民都留言话健康快乐就好，无论点都支持佢！​