【廖启智遗愿电影】田启文未满意剧本：我都好心急

etin

艺人田启文出席电影口述影像活动，他表示有兴趣参与其中：“我咁大个仔咩都试过，系呢样未试过，如果有啱嘅戏就搵我。（想口述咩类型嘅戏？）我把声咁样其实化灰都认得，自己想试吓唔同类型演绎，例如悲情啲，因为大家成日听我讲嘢都话好好笑，想试吓会唔会听到我讲嘢会喊呢！”

提到廖启智生前筹备的电影《翻兜人生》，问到进展如何？身为该片监制的他表示重新写过剧本：“剧本之前畀咗我，但我未满意，所以再重新嚟过，虽然我好心急想快啲起动，但如果只为咗开但唔系用一个大家满意嘅剧本，我宁愿花多少少时间写好先。”他亦透露现已增至2位编剧共同创作：“一开始系1个人写，角度上好窄，依家2个会多啲火花。”

讲到原先想6月开拍，他坦言会延迟：“同电影发展基金协议今年内会开，否则嗰170万资助会冇咗，我亦都同投资者倾过，万一真系冇咗个基金资助，佢哋都唔会退出嘅，冇基金咪行冇基金嘅方向，我哋当然希望原汁原味，部戏好有意义，我一直坚持要做，因为想对自己、对智叔、对曾经参与呢部戏嘅所有人做番啲嘢。”演员方面，他表示仍要待写好剧本再找：“好多人愿意无条件参与，但等剧本出咗，大家满意先搵。”​