吴浩康唔排除同郭思琳发展：佢系好好嘅女仔

etin

歌手吴浩康（Deep）到将军澳电视城为《劲歌金曲》录影，献唱新歌《十倍速》的他表示：“首歌系讲大家为咗工作、生活奔波，而忘记咗生命中重要嘅人同事。（有冇错过咩人？）梗系有，例如亲人，同埋之前前辈Gary Tong（唐奕聪）离去，自己最大感觉系生离死别嘅场面，因为呢啲系真正嘅分手，经历过后就发现好多嘢其实都系好小事，早2年阿哥因为心脏病发突然间走咗，所以一接触到呢份歌词之后感觉好大，但唱完呢只歌又可以释怀。”

而讲到他上月白色情人节被影到与33C郭思琳以情侣装上阵同游南丫岛，但事后女方被踢爆有个拍拖3年的圈外男友，令他疑似变第三者，但事后女方急澄清已分手回复单身，对此他坦言2人只是朋友：“依家工作为先。（你哋有一齐去南丫岛？）有，有其他朋友一齐，之前都有约过佢1、2次，都有朋友一齐。（去完南丫岛之后有冇再约？）嗰次之后就未有再约，因为大家都忙，但有联络。（知唔知佢本身有男朋友？）唔知呀，都系睇报道先知。”问到可有发展机会？他就谓：“佢系好好嘅女仔，依家唔敢讲会定唔会，2个人要多了解同等机缘。（仲差啲咩？）佢冇嘢唔好，系我自己问题。”​