一件头女神再发功！陈诗欣晒“优质股”

etin

夏天晒水着照，几乎个个女星都玩呢招嚟吸Like，不过身为无綫节目《姊妹淘》主持之一嘅陈诗欣（Eunice），就话未必再有胆量影水着，唔通男友落咗“限奶令”？把口话冇胆再影啫，但点都有啲存货喺手嘅Eunice，网晒旧年影嘅水着照。话晒佢系“一件头女神”，当然以一件头泳衣上阵，喺沙滩摆晒甫士，虽然玩“封咪”，事业线真系唔见有，但白滑玉背同又圆又挺嘅“优质股”一样抢分！佢留言：“摄于2020夏天，现在没有穿泳衣的勇气，希望我过多两个月会有！”讲到咁犹豫，唔少网友齐齐为佢集气，猛赞佢索到爆，仲话唔影水着照，真系嘥晒咁话！