张建声增肥至220磅搞到大便有血：2个月增30几磅

etin

艺人张建声、“虾头”杨诗敏及杨柳青为电影《神经大侠》拜神，讲到张建声又肥了不少，顶住个大肚腩，他透露为此电影第3度增肥，是人生最肥：“我依家有220磅，其实食到胃痛、胃酸倒流，去大便都有血。因为个角色讲我系鬱鬱不得志嘅肥导演，同陈观泰合力创造套现代武侠片，我趁自己仲有3字头，就做埋呢次。”他又透露增肥方法：“2个月增30几磅，其实几危险，大家唔好学，我凌晨4点起身煮饭，整腊肠、蒸排骨，都冇计一日食几多餐，但依家一讲嘢就气喘、易攰。”虾头大赞他为艺术牺牲。

讲到两女与他在戏中的关系，虾头表示饰演其太太，问到可有亲热戏？虾头随即角色“上身”，揽住对方，笑言：“我哋成日摊喺梳化讲嘢，其实我个角色已经系大咗肚。”她又谓今次有内心戏：“我个角色阻止佢做导演，叫佢面对番生活，有场戏讲我哋将心底话爆出嚟，佢引导我进入剖白嘅世界，大家平时见我都系性感、搞笑嘅一面。”

杨柳青就表示饰演啤酒妹：“讲我系畀导演发掘去做演员。（使唔使性感或者打戏？）唔使，系新突破，今次考演技，一人分饰3角，所以要落功夫。”而讲到与陈观泰合作，张建声表示：“细个睇过佢1、2套作品，佢一着番件大侠衫真系成个大侠，佢keep得好好，又教我做戏同做人道理。”​