同唐诗咏撞样有着数 24岁陈嘉慧抢滩爱上胡鸿钧

etin

现年24岁的无綫新人陈嘉慧（Erica）受到监制赏识，跟胡鸿钧一同主演新剧《爱上我的衰神》，剧中二人有感情线。之前她参与过不少剧集演出，当中包括《爱．回家之开心速递》、《伙记办大事》及《迷网》，现时亦有主持儿童节目《Think Big天地》，首次有重戏份的她坦言被选中饰演《爱》剧感到很兴奋。样子清纯的她被不少网民赞貌似唐诗咏及刘心悠，而《爱》剧监制方骏钊亦不讳言今次拣选她，是因为她有一份日本女仔的清纯味道。

Erica于12岁时跟母亲移居日本，于当地成长的她毕业于日本樱美林大学，2017年返港加入无綫艺训班，翌年正式入行。说到与胡鸿钧合作，她坦言：“我知佢系边个，但工作上冇合作，佢唱歌好好听。（会否有压力？）Casting时完全唔知道咁多戏份，监制冇同我讲，唔知咁有挑战性，其实个角色都几似自己，斯文、感觉上好善良，都系啱啱出嚟社会工作。”

她又自爆原本有机会参与剧集《陀枪师姐2021》，但当时身体不好入了医院，错失这个机会，她谓：“可能自己平时冇乜调理，但照过磁力共振Check过又冇嘢，净系觉得身体好唔舒服，可能系因为免疫系统弱，所以成日发烧。”问到最想跟谁合作？她谓：“我想同赖慰玲合作，之前拍《伙记办大事》时见过佢，好欣赏佢对做戏嘅热诚，我视佢为学习对象，希望有机会合作。”

Erica 21岁从日本返港，曾想过参选港姐，但最终选择考训练班，她解释：“我冇乜自信选美。（边方面冇自信？）唔够靓，多方面都自信不足。（最满意自己啲乜？）个鼻啰！右边面比较特别。”她有一位圈外男友，但相当低调，坦言想专注事业。问到觉得日本男仔与港男有甚么分别？她说：“香港男仔会以女仔行先，比较细心、Gentleman啲，而日本男仔就偏大男人，可能食饭都系由女仔夹餸畀男仔多。我锺意啲细心又成熟稳重嘅男仔，每个女仔都锺意被照顾。（有冇同日本男仔拍过拖？）冇，妈咪好严格，而且细个读女校，性格好Cool，去到大学时唔系好识同人沟通。（有冇试过告白？）冇，屋企好严，一直挂住读书。”

Erica表示日本女校与香港女校都大有不同，一般人觉得日本女仔返学一定化妆、染个靓发，但其实不是，她笑谓：“自己读私校，比一般公立学校严格，日本公立学校系可以化妆、染发，但私校唔可以，香港同日本最唔同嘅地方系校服方面，日本校服裙标准系膝头哥对上16cm，呢个系标准，但香港太短唔得，我哋落雪都系着短裙，好冻。（有冇男生等放学？）冇，好严，会畀老师赶走。”

对于被网民指似唐诗咏，原来就连陈山聪都曾于公司认错她！Erica笑言之前有一天于公司停车场被叫停，原来是山聪，她说：“当时我有啲吓一吓，我问佢：‘你嗌我呀？’佢话：‘唔好意思呀！我认错人。’转头喺化妆间见到诗咏，佢话：‘头先佢（陈山聪）喺停车场以为你系我呀！’”​