陈茵媺40生日仔女送吻！陈豪靠咩同老婆庆祝？

etin

陈豪同陈茵媺系圈中模范夫妻，为咗一家五口，陈豪努力搵钱，之前细屋搬大屋，为屋企人打造五星级的家。前日系陈茵媺40岁生日，陈豪因为喺内地为新剧《白色强人II》开工，惟有靠视像同老婆及3个仔女庆祝。陈茵媺即Post咁温馨嘅场面上社交网，并用英文留言：“我们现在是这样庆祝生日！”令唔少网民都话佢哋一家都好有爱。

陈茵媺又Post囡囡同二仔同佢唱生日歌嘅片，只见佢抱住囡囡相当肉紧，二仔之后入镜，仲Kiss咗妈咪一啖，囡囡亦唔执输，一样锡锡妈咪，佢听到小朋友齐同佢讲“妈妈I Love You”，当堂冧晒！​