同张兆辉鸡啄唔断！任达华做摄影师搵阿女做主角

etin

型男任达华与张兆辉早年合拍电影《夺帅》及《黑白迷宫》成好友，事隔多年再结片缘，于悬疑新片《被消失的凶案》内斗戏。日前剧组于荔枝角拍摄外景，剧情交代张兆辉于收押所门外碰上任达华及Joe Junior。现场所见，曾经担任电影导演的任达华一时技痒，亲自操刀拍摄张兆辉的戏份。

任达华受访时表示导演梦未碎，目前已开始拣剧本：“上次拍《迷离夜》只系负责执导其中一个故事，未试过拍长片，而我亦好想试埋做摄影师，拍啲有香港特色嘅故事。（想同边个演员合作？）我个女（任晴佳）啰，佢识英文、广东话同普通话，同时下年轻人无异，好适合。（问准咗太太？）未喎，但我嘅戏应该冇问题。（畀囡囡入行？）又唔系住，佢暂时影吓杂志先啦！”

台前幕后做足防疫措施，为免戴口罩会弄花演员的妆容，剧组即以用纸巾制作“蒙面口罩”，一众艺人“造型”相当趣怪，张兆辉笑说：“如果就咁戴口罩嘅话，口罩绳好容易刮花粉底，个印又好耐都唔散，点都影响拍摄，依家就轻易解决咗问题嘞！”

他与任达华全程倾到“鸡啄唔断”，原来是倾凑女经：“疫情有意外嘅bonus，囡囡留咗喺香港，依家拍戏虽然忙，但点都可以返屋企，陪佢食吓饭咁。我个女平日网上上堂会上到凌晨12点，但佢都会同我一齐5点半起身，陪我同太太跑步，大家争取时间亲子乐，希望佢大咗都成日陪喺我哋身边啦！”​