冯盈盈被封Do姐接班人 陆永都睇好！

etin

前港姐冠军冯盈盈及农夫出席无綫综艺节目记者会，一同担任《开心大综艺》主持，还有森美、林盛斌、阮兆祥、陆浩明、方力申、江美仪、麦美恩及吴若希等艺员。期间汪明荃亦有上台，笑言：“我仲喺度，要监视佢哋，重要日子先会出嚟。”邓智坚等艺人上台表演“现场广告”环节考急才，期间扮“姜蓉”跳舞，被麦美恩“兜巴星”叫他行开，睇完后汪明荃即笑言：“好似睇紧《欢乐今宵》，我系咪真系次次要嚟？”阮兆祥笑言：“你唔使做神功戏就嚟！”她即回：“惊你呀！”

其后盈盈及农夫一同受访，讲到节目是Live骚，盈盈表示：“寻日开会发觉主持都要有好多表演，要度桥、排练，好多嘢做，寻日开完会方力申惊到胃痛离场，我就头痛住走。”问到直播可怕讲错嘢？盈盈坦言：“好惊呀，我恃住录影乱讲嘢。”问到农夫可会帮她兜？C君即抵死谓：“如果佢讲错嘢仲帮佢兜？梗系即刻现场重播啦！”盈盈即记起当年选港姐时又是讲错嘢，当时是农夫做主持，陆永即笑言：“但当年你讲错嘢都赢到。”

讲到盈盈被踢爆开完会坐方力申顺风车离开，她即解释：“因为我寻日同麦美恩冇揸车，所以我哋一齐坐方力申架车出将军澳，同车仲有佢嘅女助手，一个人车三个女仔出去，佢好有风度。”

另外，提到农夫与艾粒主持的《艾粒x农夫特备节目》，他们在台上笑言因未想到节目名，3个构思名称分别叫《忠于郑裕玲》、《今晚好想DO》、《原来我系人》，十分抵死，又指节目其实是搵Do姐的接班人，问到节目名可有问Do姐意见？陆永笑言：“冇问佢意见，唔好惊动佢，改名唔使问佢啦。”对于盈盈被封为“Do姐接班人”，陆永即睇好她：“我都觉得佢系其中一个，又系演戏出身，做主持又得。”盈盈谦称：“唔觉得自己系，自己负责接tag同接下班。”​