黑过镬底！冯盈盈焗“燶”蛋糕 晒男友视角嘴嘟嘟

etin

艺人冯盈盈年初时传与绯闻男友郑衍峰分手，昨日白色情人节，佢孤伶伶1个人整蛋糕度过！佢喺社交网上载一段整蛋糕嘅影片，亲手炮制Basque Burnt Cheesecake（巴斯克芝士蛋糕），过程中佢鸡手鸭脚，一开始就已经差啲倒泻糖，之后从焗炉拎制成品出嚟时，焦黑一片，不过其实呢个系蛋糕嘅特色，佢就强调冇焗燶：“呢个cheesecake个特点就系，个表面系燶燶哋嘅，焦香吖嘛！所以有呢个脆脆哋嘅面系好正常，我绝对冇焗燶到，系成功嘅唔系失败！”佢临尾将蛋糕放入雪柜时几乎整跌，虽然制成品外表唔太靓，但佢以男友视角嘟嘴隔空喂大家赢番唔少分，而助手试食后都大赞好味！​