无綫花旦汤洛雯屡被传今年与马国明拉埋天窗,奈何要供楼还债有压力,故迟迟未有婚期,坦言不想以半亿物业的“楼债”做嫁妆。向来是孝顺女的她,自觉要肩负起顾家责任,虽然全世界赞她是“笋盘”女友,但原来有阴暗一面,就是欠缺安全感。 入行9年的汤洛雯(靓汤)事业愈战愈勇,感情方面一样甜蜜蜜,与男友马国明拍拖不久已屡传婚讯,加上她以个人名义购入价值近半亿的独立屋,被指是2人爱巢。对于这个所谓“婚讯”,她日前受访时断然表示短期内一定不会结婚,更没有“8月婚期”这回事:“我哋只系拍咗几个月拖,就当普通人咁睇,拍咗咁短时间点结婚呢?”她强调问题出在她身上,与男友无关:“我系冇安全感嘅人,需要长时间沟通先会决定人生大事,唔想咁快谂呢样嘢,依家最冇安全感系要供楼。”
缺点多多 EQ低脾气差 靓汤是圈中公认的孝顺女,父亲汤镇宗与叔叔汤镇业当年都是当红小生,她透露年少时在外国读书,给了家人很大负担,如今有能力搵钱,希望先向父母“还债”,负起供楼责任:“我啱啱买咗楼,好大压力!但呢个系成长过程,要承担,我想照顾屋企人先。(屋企冇负担?)冇负担系一件事,但我想报恩,始终以前我喺外国读书,用咗屋企好多钱,讲真如果唔系因为我,爸爸都唔使做,可以退休啦!”虽然她买楼时选择5年后才开始做按揭,暂时仍有轻松日子,不过届时每月要花上6位数字供楼,故现时努力工作储钱,不愿将楼债加到男友身上。
​圈中朋友一致赞靓汤是好女仔,但她却自爆鲜为人知的缺点:“大把啦!我间房好乱,不过我要讲清楚,我系卫生嘅,工人姐姐嘅口头禅系‘Roxanne呀!Your Room呀!’”又自认EQ“非常唔好”:“边有女人唔发脾气㗎!特别系对住妈咪,简直火星撞地球咁,但我一谂起同阿妈闹交就会喊,佢系最令我情绪失控嘅人。” 杀入影坛 自觉似全智贤 前年拍毕剧集《失忆24小时》后,靓汤接连拍了《一笑渡凡间》及《金宵大厦2》两套剧,之前更秘密拍了一部电影,担任主线角色,但她称感觉居然跟拍剧分别不大:“之前好渴望试吓大银幕系点嘅呢?但其实差唔多,依家好多剧集都系电影拍法。(失望?)唔会,有得踏入大银幕梗系开心啦!仲有得做新人喎!”而她最想做清谈节目主持,讲起就兴奋:“好欣赏小S(徐熙娣)同蔡康永,喺英国读书时,成日睇台湾节目《康熙来了》,每次都笑到癫!(想做小S呢种风格?)系呀!我OK㗎!我绝对得㗎!私底下我其实几活跃,大起大落,好多朋友都话我性格似韩剧《来自星星的你》全智贤个角色咁,喺屋企就好浮夸,可以开心到癫,但1个钟后又乜都唔记得,当然我好想个样都似佢!”
|