无綫重拍经典剧集《十月初五的月光》,何依婷、胡鸿钧及罗天宇日前在流浮山开工,拍摄一场天宇晕倒地上的戏份,虽然满地泥沙,但NG多次的他照样碌地沙,相当敬业。全剧没有任何亲热场口的依婷拍得相当轻松,笑言日前一场失足扑倒天宇的戏份已算是最亲密,她却相当尴尬:“怕丑嘛!因为好近佢个样,忍唔住问天宇可唔可以远啲!(你喺第2套剧生擒郑俊弘又冇事?)嗰个借位啫!我唔系接受唔到,系需要啲时间热身。”由于剧集已拍摄到一半,2位拍档不禁取笑她热身后已煞科!
虽然较为“慢热”,不过她的喊功就一流,胡鸿钧笑说:“依婷情感上发挥系超强,佢系大情大性嘅女仔,唔使培养就可以喊!所以奉劝男士们如果见到佢喊唔需要太上心,可能佢见到只蚊都喊得出,想请教佢点样流出真摰嘅眼泪,见佢连白花油都冇用!”在旁的天宇亦加入战团,扬言一直想拜依婷为师,令她哭笑不得!
天宇被指微调变V脸,同病相怜的胡鸿钧表现兴奋,笑言欢迎他加入,自言不时被揶揄,天宇没好气说:“糖妹叫我介绍医师畀佢!其实睇番以前啲相真系过分,拍《爱.回家》时成日食雪糕,后来减廿几磅先系依家咁。依家要Keep住,迟啲要拍半裸‘色诱’胡鸿钧戏份,尽量向6旧腹肌方向进发!”而胡鸿钧指日前与张振朗突袭绯闻女友蔡思贝的直播节目,主要是想搵机会倾偈。​
|