“少妇联盟”陈凯琳(Grace)、龚嘉欣及谭凯琪为邵氏节目《师父有请》任嘉宾,席间大谈生意经,Grace透露父亲一直是生意人,但未有给予女承父业的压力,故近年投资6位数字推出自家落妆棉品牌,只是为了兴趣:“生咗小朋友想多啲时间留喺屋企,又想Keep住工作个人先会醒目啲,但我真系唔叻,所以搵拍档帮忙。(点拣拍档?)会拣个有做开生意,仲系成功嘅,而对方话我知唔会畀呢件事衰,佢有呢个想法,令我更加有信心。”
而嘉欣近年于马来西亚开火锅店,表示店内所有细节也由自己包办:“火锅利润好高,当地仍然有明星效应,我哋去到都几受欢迎!但近排因为疫情实施封城,生意有影响,都好头痕,我仲要系畀员工包食包住,难得遇到一班肯为你做嘅同事,所以守住先。”她形容感觉像流紧血,更曾因压力大而一度停经。
至于谭凯琪曾于几年前经营过餐厅,后来因种种因素令其无法继续维持,最终选择结束:“做生意真系好难,特别系管理,楼面同事话请假就请假,真系好难搞。不过如果好帮得手嘅厨师,我哋就会畀佢入股,咁样佢会做得投入啲。”不过主持麦玲玲却分享到自己的奇怪生意之道:“由于命格问题,我系唔可以真金白银拎出嚟投资,好似同拍档合股吉祥物生意,都系佢帮我代出资,我话保证一个月就会翻本,果然一个月就翻到本。”​
|