朱慧敏被指撞样李幸倪即变脸 老公帮拖解画

etin

艺人朱慧敏与心脏科医生陈良贵（Jason）今年1月拉埋天窗，近日两夫妻拍住上，每逢星期日开直播，解答网民有关身体及心灵上嘅疑问。前晚佢哋邀请好友王贤志一齐倾偈，期间有网友留言指朱慧敏与歌手李幸倪（Gin Lee）撞样，似失散多年嘅姊妹，她即冷笑表示：“系咩？”及后面色一沉，直指唔觉同任何一位艺人似样，在旁嘅老公立即解围：“我第一个印象咪朱慧敏啰。”及后再有网友指佢与雷颂德太太Jade似样，佢就直言：“我唔觉啰，你见过佢真人就觉得一啲都唔似。”

赞王贤志贴心

朱慧敏大赞王贤志贴心，忆述有年生日相约对方睇欣宜演唱会，但因唔舒服食药后唔知醒失联，吓得对方大为担心，佢话：“嗰阵袁伟豪住我楼下，佢仲谂住打畀袁伟豪上嚟敲我门，睇我有冇事，好彩我最后醒咗。”